НУ кітапханасы авторларға кітап тұсаукесерін ұйымдастыруға көмектеседі. Қызмет НУ қауымдастығының барлық мүшелеріне онлайн сұраныс арқылы қол жетімді. Сұраныс кітапхана әкімшілігімен мақұлданған жағдайда, сұраныс беруші жауап алады. Кітапхана жұмыс көлеміне байланысты сұранысты қанағаттандырудан бас тартуға құқылы.
Төменде берілген шарттарға назар аударыңыз:
Өткізу орны
Кітап тұсаукесерін өткізу үшін 70 адамға арналған Конференц-залын (5e.228) ұсынады.
Аудитория
Сұраныс жіберуші іс-шараға қатысуды қамтамасыз етуге жауапты. Кітапхана іс-шараны жарнамалауға көмектеседі, бірақ қатысушылар санына жауап бермейді. Сонымен қатар, сұраныс беруші тиісті әдептің сақталуына жауап береді. Кітапхана іс-шараға қатысушылардың қауіпсіздігін қамтамасыз ету үшін қажетті ережелерді еңгізу немесе қолдану құқығын өзіне қалдырады.
Сұраныс беруші мыналарды да ескеруі керек:
- Күтілетін қатысушылар саны.
- Қатысушылар туралы ақпарат (мысалы, жас ерекшелігі, кәсібі, қызығушылығы және т.б.).
- Сіздің қарым-қатынасыңызға әсер етуі мүмкін кез келген тілдік немесе мәдени айырмашылықтарды ескеріңіз.
Презентация форматы
- Презентация үшін қандай формат қолданылады: дәріс, талқылау, сұрақтар мен жауаптар немесе аралас формат па?
- Сіз арнайы мультимедиялық элементтерді (слайдтар, бейнелер және т.б.) пайдалануды жоспарлайсыз ба?
Техникалық талаптар
Техникалық (IT-ға қатысты) қолдау қажет болған жағдайда бөлек өтініш беру керек. Төмендегілерді ескеру қажет:
- Егер виртуалды болса, кез келген техникалық талаптарды көрсетіңіз (мысалы, тұрақты интернет байланысы, микрофон, камера).
- Егер офлайн режимде болса, қажетті жабдықтар немесе орнату қажеттіліктерін көрсетіңіз (мысалы, проектор, экран).
- Гибридті (аралас) форматта болса, қажетті талаптарды көрсетіңіз (мысалы, тікелей трансляция, пайдаланылатын аккаунттар, т.б.)
- Техникалық ақауларды болдырмау үшін барлық қажетті жабдықты (аудио, визуалды, презентация бағдарламалық қамтамасыз ету және т.б.) кемінде 30 минут бұрын тексеріңіз.
- Презентация кезінде мәселелер туындаған жағдайда IT мамандарының қатысуын және сәтсіздіктер кезінде көмек көрсетуді алдын ала сұраңыз.
- Техникалық қолдауды және іс-шара барысында IT мәселелерін уақытылы шешу үшін IT маманның болуын алдын ала сұраңыз.
Жарнамалық қолдау
- Кітапхананың веб-сайтында (Іс-шаралар күнтізбесі, Блог пост) және әлеуметтік желілерінде (Instagram, Telegram, Facebook) ақпаратты орналастыру арқылы іс-шараны насихаттауда маркетингтік қолдау көрсетеді.
- Сондай-ақ, сұраныс беруші қандай жарнамалық қолдау қажет екенін көрсетуі керек (мысалы, плакаттар, әлеуметтік желі жарнамасы және т.б.).
- Кітапхана А3 және А4 форматындағы іс-шараларды насихаттауға арналған плакаттарды құрастыруға және басып шығаруға көмектеседі, олар кітапхана ғимаратында орналастырылады. Сұраныс беруші басып шығарылған плакаттарды алып, оларды кампуста орналастыруы керек.
- Автор жоғары сапалы кескінді (мысалы, логотип, фотосурет және т.б.) ұсынуы керек. Автор сонымен қатар өзінің жарнама мәтінін ұсына алады және кітапхана оны іс-шараны насихаттау үшін пайдаланады.
Іс-шара модерациясы
Автор кітаптың тұсаукесерін өзі басқара алады немесе модераторды тағайындай алады. Сонымен қатар, кітапхана сұрау бойынша іс-шарада модерация жасай алады немесе толық өткізе алады. Мыналарды ескеру қажет:
- Презентацияны ұйымдастыруға жауапты тұлғаның байланыс деректерін көрсетіңіз.
- Модераторды/жүргізушіні таңдау кітаптың тұсаукесерінің мақсаттарына және автордың және/немесе ұйымдастырушылардың қалауына сәйкес болуы ұсынылады.
Модератор аудиторияны тартуды, нәтижелі пікірталасқа ықпал етуді және оқиғаның жалпы тәжірибесін жақсартуды білуі керек.
Сырттан келген қонақтар (NU мүшелері емес)
Егер іс-шараға НУ қауымдастығынан тыс қонақ шақырылса, төмендегілерді ескеру қажет:
- Сырттан келген қонақтардың күтілетін санын көрсетіңіз. Қонақтардың іс-шараға қатысуына рұқсат алу үшін security@nu.edu.kz мекенжайына хабарласыңыз.
- Қонақтарыңызды іс-шара туралы қажетті ақпаратпен қамтамасыз етіңіз: күні, уақыты, орны, бағдарламасы, навигациялық белгілер және кез келген арнайы нұсқаулар (қажет болса).
Кофе-брейк
- Егер іс-шара ұзаққа созылатын болса немесе оның ішіне тамақтандыру кірсе, кейтерингті немесе сусындарды қамтамасыз ету үшін қаражат жоспарлаңыз.
- Сусындар қажет болған жағдайда оны сұраныс беруші ұйымдастыруға жауапты.
Медиа
- Сырттан БАҚ өкілдерін шақыруды жоспарласаңыз, md@nu.edu.kz мекенжайы бойынша маркетинг және БАҚ қызметімен жұмыс істеу департаментімен келісуіңізді сұраймыз.
Кітаптың тұсаукесер бағдарламасы
- Кітапхана бағдарлама жобасын жасауға көмектесе алады. Дегенмен, өтініш беруші өз қалауына қарай өзінің бағдарламасын да ұсына алады.
- Автор кітаптың данасын кітапханаға сыйға тарта алады немесе сыйға тартпауы да мүмкін. Егер автор кітаптың қол қойылған данасын кітапханаға сыйға бергісі келсе, іс-шарада «символикалық кітапқа қол қою» бөлімі болуы мүмкін.
- Қажет болса, музыкалық үзілістер, қызыл лента кесу, НУ оркестрін шақыру және т.б. сияқты әртүрлі қосымша бөліктерді қосуды қарастырыңыз.
Құжаттама (фото және бейне түсірілім)
Кітаптың тұсаукесерінде фотосуреттерді кім түсіру керектігі туралы бірнеше ұсынымдар:
- Кәсіби фотограф: Егер кітаптың тұсаукесері ресми немесе маңызды оқиға болса, кәсіби фотографты жалдау - ең жақсы нұсқа. Олардың жоғары сапалы кескіндерді шығару үшін тәжірибесі мен жабдықтары бар және фотографияның көркемдік және техникалық аспектілеріне назар аудара алады. Қажет болған жағдайда фотографты жалдау автордың міндеті екенін ескеріңіз.
- Іс-шараны ұйымдастырушы: Егер сіз кітаптың тұсаукесерін ұйымдастырсаңыз, сіз өзіңіздің тобыңыздағы немесе ұйымыңыздағы біреуге фотосуреттер түсіруді тапсыра аласыз. Ол адамның суретке түсіру дағдылары мен жақсы жабдықтары болуын ескеріңіз.
- Автор немесе баспагер: Кейбір жағдайларда кітап авторы немесе баспагер фотосуреттерді өздері түсіргісі немесе фотограф жалдағысы келуі мүмкін. Олар оқиғаны қалай құжаттағысы келетіні туралы нақты көзқарасқа ие болуы мүмкін.
- БАҚ немесе баспасөз: Егер кітаптың тұсаукесері бұқаралық ақпарат құралдарында жариялауды қажет ететін жоғары деңгейдегі іс-шара болса, мақалалар немесе жаңалықтар үшін суреттер түсіру үшін жаңалықтар агенттіктерінің кәсіби фотографтары қатысуы мүмкін. Мұны md@nu.edu.kz электронды поштасына хабарласып, маркетинг және БАҚ қызметімен жұмыс істеу департаментімен келісу ұсынылады.
